Aberto o prazo para enviar propostas de programación

Culturgal quere contar coas creadoras e creadores máis novos

A edición 2025 de Culturgal, a feira das culturas galegas, celebrarase en Pontevedra do 28 ao 30 de novembro.

A organización da feira abre un prazo ata o venres 26 de setembro para que todas aquelas persoas ou colectivos interesados poidan enviar as súas propostas para o programa.

Culturgal será de novo o mellor escaparate para todas as manifestacións da cultura galega, sempre co obxectivo de chegar a novos públicos.

Por este motivo, Culturgal quere contar coas creadoras e creadores máis novos en calquera actividade cultural para completar o panorama da cultura en Galicia.

As propostas deben enviarse a través do seguinte formulario:

https://forms.gle/dT1GUFR4SVy9E7rt5