Actividades de MATE en Culturgal

Culturgal acolle dentro da súa programación un espazo profesional que forma parte de MATE.

MATE ten como obxectivo debatir no Culturgal sobre os desafíos das industrias culturais e creativas, ademais da relación entre Galicia e Portugal, despois do seu paso polo Festival Maré.

Os workshops de MATE en Culturgal tratarán o venres temas como ‘Cultura e música: conflito e dereito polo ben común”, con Dani Granados, ou a repercusión da revolución tecnolóxica da Intelixencia Artificial na industria audiovisual, con Iván López Gimeno.

Haberá tamén ‘Sesión Bravú XXX’ con Xurxo Souto, e o director da Axencia para a Modernización Tecnolóxica de Galicia, Julián Cerviño, exporá os avances do proxecto Memoria dixital de Galicia.

O sábado, obradoiro de danza impartido por Artur Puga, e mesa redonda ‘Galicia / Portugal. Relacións culturais internacionais ou domésticas?’, con Gonzalo Constenla, director da EOI Santiago; Francisco Macías, editor de Edicións Positivas, e Susana Álvarez Martínez, do Conselho da Associaçón Galega da Lingua (AGAL), entidade observadora consultiva da Comunidade de Países de Língua Oficial Portuguesa (CPLP).

Tamén o sábado, ponencia ‘Relacións culturais internacionais ou domésticas? Sesión 2’, con MJ Pérez, de ‘Lá para cá’, programa de música galego/portuguesa da Radio Galega, e Zé Paredes, dramaturgo.

O domingo, ‘Xornalismo cultural de proximidade’, con Belén López e Susana Pedreira.

Podes consultar o programa completo e os horarios neste link