Escolas de Ensino Galego Semente
Somos umha rede associativa, sem ánimo de lucro, que promove umha educaçom auto-centrada, multilíngue, inclusiva, laica e renovadora pedagogicamente. Tomamos o nome das Escolas de Ensino Galego, fundadas no início do século XX polas Irmandades da Fala, e pretendemos conformar junto com outras iniciativas as bases necessárias para a contruçom da Escola Nacional Galega. Atualmente, contamos com centros em Compostela, Corunha, Lugo, Ourense, Trasancos e Vigo. Levamos mais dumha década oferecendo um serviço educativo de qualidade, caracterizado polo cuidado, renovaçom e transmissom do património linguístico e cultural galego, fonte de criatividade colectiva e garantia de coesom e integraçom social.
- Sector: Outros
- Web: http://semente.gal
A cita con culturgal 2023
Culturgal, un evento único que se celebra anualmente reunindo ao sector cultural e aos seus públicos en Pontevedra. Este ano a Feira das Culturas Galegas terá lugar do 1 ao 3 de decembro no Pazo da Cultura, onde os públicos poderán achegarse ás as novidades editoriais, o último en audiovisual, novas propostas das artes escénicas, espectáculos de música ao vivo, servizos profesionais e outras iniciativas híbridas e vinculadas ao mundo da arte. Unha oferta de programación contemporánea e representativa da acción cultural no país con avances, estreas e actualidade, asi como un amplo punto de información e compra da produción cultural do ano.
Culturgal quere favorecer tamén o seu carácter como escenario de encontros entre profesionais e sectores, e de espazo para o nacemento e consolidación de proxectos. A Feira das Culturas Galegas busca reforzar os vínculos coas diferentes asociacións gremiais e promover a comunicación entre todos aqueles axentes e sectores que participan da actividade cultural.